राजेश वरटकर
मुख्य संपादक
वर्धा जिल्ह्यातील नागरिकांसाठी तज्ज्ञ डॉक्टरांकडून मोफत ऑनलाइन सल्ला मिळवण्यासाठी ‘संजीवनी’ टेलिमेडिसिन सेवा प्रभावीपणे सुरू करण्यात आली आहे. जिल्हा आरोग्य अधिकारी डॉ. स्वप्निल बेले यांनी नागरिकांना या सेवेचा लाभ घेण्याचे आवाहन केले आहे. ‘ई-संजीवनी’ टेलिमेडिसिन सेवा आरोग्य आणि कुटुंब कल्याण मंत्रालयाच्या अधिकृत पोर्टलवर उपलब्ध आहे.
नागरिक https://esanjeevaniopd.in या संकेतस्थळाला भेट देऊन आणि ‘रुग्ण नोंदणी’ या पर्यायावर क्लिक करून नोंदणी करू शकतात. मोबाईल नंबर प्रविष्ट करा.
दुर्गम नागरिकांना विशेष लाभ मिळेल
या सेवेचा विशेषतः ग्रामीण आणि दुर्गम भागातील नागरिकांना फायदा होईल. यामुळे घरी मोफत डॉक्टर सल्ला मिळेल, ज्यामुळे वेळ आणि प्रवासाचा खर्च वाचेल, तज्ज्ञ डॉक्टरांशी थेट संपर्क साधता येईल आणि पाठपुरावा व नियमित तपासणी करणे सोपे होईल. आरोग्य विभागाने सांगितले की, ही सेवा सकाळी ९:०० ते दुपारी १:०० आणि दुपारी १:४५ ते सायंकाळी ५:०० या वेळेत उपलब्ध असेल.
एकदा हे पुर्ण झाल्यावर, ओटीपीद्वारे पडताळणी केली जाते. त्यानंतर रुग्ण त्यांची वैद्यकीय माहिती भरू शकतात. आवश्यक असल्यास, ते मागील वैद्यकीय अहवाल, चाचणी अहवाल किंवा डॉक्टरांनी दिलेली औषधचिठ्ठी (प्रिस्क्रिप्शन) देखील अपलोड करू शकतात.
नोंदणी पुर्ण झाल्यावर, रुग्णाला ‘Generate Patient ID & Token’ या पर्यायाद्वारे एक आयडी आणि टोकन मिळते. त्यानंतर ते उपलब्ध डॉक्टरांची निवड करून व्हिडिओ कॉलद्वारे थेट भेटीची वेळ निश्चित करू शकतात.ही सेवा रुग्णांना दिलासादायक ठरणार असुन लाभ घेण्याचे आवाहन डॉ.स्वप्निल बेले, जिल्हा आरोग्य अधिकारी यांनी केले आहे.
About the Author
