माजी मंत्री बच्चू कडू यांच्यावर भाजप आमदार प्रवीण तायडे यांच्या भावाने हत्येचा कट रचल्याचा आरोप केला
शिवशाही न्युज नेटवर्क
भाजप आमदार प्रवीण तायडे यांच्या भावाने माजी मंत्री बच्चु कडु यांच्यावर हत्येचा कट रचल्याचा आरोप केला आहे. त्यांनी पेन ड्राईव्हमध्ये पुरावे सादर केल्यामुळे पोलिसांनी गुन्हा दाखल करून तपास सुरू केला आहे.
प्रहार जनशक्ती पक्षाचे प्रमुख आणि माजी मंत्री बच्चु कडु यांच्या अडचणी आणखी वाढणार आहेत. पुर्वनियोजित कट रचल्याच्या आरोपाखाली पोलिसांनी त्यांच्याविरोधात गुन्हा दाखल केला आहे. या संपुर्ण प्रकरणात, एक बनावट अपघात घडवुन आणुन कोणालातरी ठार मारण्याचा प्रयत्न केल्याचा आरोप आहे. या हाय-प्रोफाईल प्रकरणामुळे परिसरात मोठी खळबळ उडाली असुन, या वादामागील खरे कारण जाणून घेण्यासाठी लोक उत्सुक आहेत.
या प्रकरणातील सर्वात मोठे वळण तेव्हा आले, जेव्हा तक्रारदार अभिजीत तायडे यांनी पुरावा म्हणुन पोलिसांना एक पेन ड्राइव्ह सुपुर्द केला. अभिजीत तायडे हे अचलपुरचे भाजप आमदार प्रवीण तायडे यांचे भाऊ आहेत. त्यांनी आरोप केला आहे की, बच्चु कडु आणि त्याचा साथीदार शुभम माहुरे यांनी त्यांच्या हत्येचा कट रचला होता. हा खुलासा झाल्यानंतर पोलिसांनी तात्काळ कारवाई करत तपास अधिक तिव्र केला. या प्रकरणात दोन प्रमुख राजकीय घराण्यांचा समावेश असल्याने पोलीस सावधगिरीने तपास करत आहेत.
अभिजीत तायडेने पोलिसांना सांगितले की, बच्चु कडुआणि त्याच्या साथीदारांनी त्याला संपवण्याचा कट रचला होता. त्याने त्यांच्या फोनवरील संभाषणाचे रेकॉर्डिंग पुरावा म्हणुन सादर केले आहे. पोलिसांनी व्हॉइस रेकॉर्डिंगची तपासणी करण्यासाठी पेन ड्राइव्ह फॉरेन्सिक लॅबमध्ये पाठवण्याचा निर्णय घेतला आहे. तज्ज्ञांचा अहवाल मिळाल्यानंतरच रेकॉर्डिंगची सत्यता कळेल. सध्या तरी, या पुराव्यामुळे बच्चु कडुआणि शुभम माहुरे उर्फ गोलु यांच्यातील तणाव लक्षणीय वाढला आहे.
आमदार प्रवीण तायडे यांच्या भावाने दाखल केलेल्या तक्रारीमुळे या प्रकरणाला वेगळे वळण लागले आहे. अभिजीतचा दावा आहे की, त्याला धमकावण्याचा आणि एका खोट्या अपघाताचा बळी म्हणुन अडकवण्याचा प्रयत्न करण्यात आला. बच्चु कडु यांच्यावरील या गंभीर आरोपांमुळे त्यांचे समर्थक आणि भाजप कार्यकर्ते यांच्यात शाब्दिक चकमक सुरू झाली आहे. हे जुन्या वैमनस्याचा परिणाम आहे की एक नवीन राजकीय डाव, याचा तपास पोलीस आता करत आहे.
About the Author
